رد مساعد الرشيدي على عيد مربح

[ابو رهف]

وجه الشاعر الكبير القدير / عيد بن مربح الرشيدي قصيده للزعيم مساعد الرشيدي هذه النادره:

وقت رجم الشقا من عرض من واق فيه .. وسبقـونـي عـلـى متـنـه قــروم الـعـيـال
بيـن نـمـة حـسـود وبـيـن هــذرة سفـيـه .. اتّكالـي عـلـى المحـيـي عـزيـز الـجـلال
الـوفـاء مـاشـيٍ بــه والــردى محـتـريـه .. حسبي الله على الهقـوه ومكـر الرجـال
والخـطـاب المبـطّـن والـسـؤال الـوجـيـه .. كلبـوهـن لـهـن مـغــزى وجـمـلـه تـقــال
ومـجـلـسٍ مـايـقــدّر خـطـوتــك لاتـجـيــه .. حـــط بـيـنـك وبـيـنـه بـــرزخ الأعـتــزال
روّض النفـس وأردعهـا عـن اللـي تبيـه .. وكــان طاوعتـهـا غـنـت عـلـى لـيــل لال
وأعطـهـا فـرصـه المـسـجـون لـمـزاوريـه .. ودفـهـا دفــة الطـاغـي لمـسـتـور حـــال
قـبـل تفـهـم غـلـط معـنـاي عــرّج علـيـه .. بكـره النفـس تسـأل عـن حـرام وحـلال
يامساعد ربيع يابو فيصـل ياهييييييـه .. خذ عـن الوضـع نبـذة ياكريـم السبـال
يـاولـد مــن تـمـد الـجـود راحـــة يـديــه .. ياغصـن دوحـةٍ يلـقـى تحتـهـا الـظـلال
مستحيـجٍ ريـال ووســط جيـبـي جنـيـه .. ولازم أصـرف جنيـه لحاجتـي بالريـال
أتـخـذت الـقـرار الصـعـب ماقـلـت لـيـه .. شـيٍ أكبـر مـن الواقـع وحـلـم الخـيـال
الـمـهـم أرتـكـيـت بـمـرقـبٍ مـنــت أبــيــه .. رغـم طعـن الزمـان وضحكـة الأحتيـال
وأي طـيـب نـزيــه أنـــا خـويــه وأخـيــه .. ليـن حمـر النثـايـل فــوق قـبـري تـهـال
(رد الشاعر مساعد الرشيدي )
شرف الرجم (عيـد) وجابـن العيـد فيـه .. مرهفـات الهجـوس ومفحمـات الخـيـال
وأنـصـرف مـثـل (نــوٍ) عـاقـدٍ حاجبـيـه .. لـيــن هـلـهـل عثـاكـيـل بـرديــه وســــال
أقـبــل الـبــرق قـبـلـه والـرعــد مقتـفـيـه .. والسعد من يمينـه والفخـر مـن شمـال
كـنـه الـلــي تغافـلـنـي وأنـــا محـتـريـه .. مـن مغيـب الهـلال لـيـا طـلـوع الـهـلال
ليـن قـام يتصـافـق مــن حـديـه لحـديـه .. قـلـت هــذا (ولــد مـربـح) بلـيـا جـــدال
أثـــر مـافـيـه لا حـيـلـه ولا لـــه شـبـيــه .. مـيـر يامرحـبـا بــه يــوم نـــادى وقـــال
(يامساعـد ربيـع يابـو فيصـل ياهـيـه) .. عد مانسنـس الغربـي وشعشـع ظـلال
شاعـر ضيـق الفرصـة علـى منافسـيـه .. كم كتب بيت شعر وصار مضرب مثال
كــل مـاهـو لديـهـم بـعـض مـمـا لـديــه .. أن بغـوهـا حـمـيـا وأن بـغـوهـا عـــدال
وصاحـبٍ عنـد وقـت اللازمـه محتسـيـه .. يــوم مــال الثـقـال إلا ظـهـور الجـمـال
كــاربــات عــزومـــه فــتٌـــل سـاعــديــه .. مرتـوي عـز نفـس وممتلـي طـيـب فــال
كـل عبسـي يعـرف أفعـال جـده وأبـيـه .. مثل نارٍ لها في راس (أبـان) آشتعـال
كنـه الجـدي فـي ليـل الـسـري نقتفـيـه .. وكـنـه الـمـارد الـعــذب الـقــراح الـــزلال
يـارفـيـق لـفـانـي مــنــه شــعــر عـلـيــه .. ختـم جـودة (قـلادان) الظـفـر مـاتـزال
شـعـر شـامـخ معـانـي فــاردٍ منكـبـيـه .. كامل أوصاف بأمـر الله عزيـز الكمـال
خل صدرك على الضيقـات خبـت نفيـه .. لا يجـي للحسوفـه فـي حياتـك مـجـال
مــاش عــذر وجـيــه لـبـارديـن الـوجـيـه .. باهـتـيـن الحـمـيـا قـاصـريـن الـحـبـال
مايـعـكـر مـزاجــك غـيــر رجـــل مـلـيـه .. مـايـسـد بـلــزوم ولا يـعــز ،، بــوصــال
أحـقـره حـقــرة الـعـالـه عـلــى والـديــه .. وسط مجلس تمركو بـه زحـول الرجـال
لا تطيـل النـظـر فــي كــل وجــه كـريـه .. وحـط فــي كــل عـيـنٍ مــا تــودك خــلال
أمــا أنــا يارفيـقـي مـوقـفـي محتـمـيـه .. في جميع الظروف وفي جميع الحـوال
لا تـوصـي حـريــص ولا تـفـطـن نـبـيـه .. مــــدرك لــلأمــور وحــاســب للهبـــــال
ماتزحـزحـت شـعـره عــن مــرامٍ نـزيــه .. آتساهـلـه لــو شـافـوه صـعــب الـمـنـال
منتـهـى المـجـد عـمــر بـالـوفـا تبـتـديـه .. ومنتهى الذل من حط الردي راس مال
لا أنقطع حس (عيـد) ولا عدمنـا وحيـه .. يــوم غـنـا بعـذبـات الـطــروق الـجــزال
وبعـد ماتـوج أمجـاد القـلـم بأصبعـيـه .. ذا مــردي ،، وهــذي غتـرتـي والعـقـال

[اصيل عبس]

مشكوووور
......................زز

[يبطون ماوصلوا مواصيل قدري]

شعار أغنياء عن التعريف...
ابداااع ... تسلم يمينك ع النقل...
كل التقدير...