قصيدة الشاعر : طارق حمد الرشيدي

[ابو سعود]

قصيدة مهداة لجدي الشيخ :
معلاء بن علي بن مسلم بن رشيد البويدي القلادي الرشيدي


تعـالي ياجـزل البـيـوت اسـتعدي
باللي على الطاله دروبه صعيبه


شـهـمـن ليا منه وقـف بالتحـدي
ما نـظـرتـه بـين الاوادم قـريبـه


كــريـم لامــد الـكــرم مــا يــردي
صــاحب كـرم ياكبر قدره و طيبه


طيبه مع أهـل الفعايـل دايم يعـدي
و لاهـي على قوم البويدي غريبه


أبـو نـديـب اقــولـهـا بــكـل جــدي
بـيـته عـلى الامـجاد مزبن وهيبه


ارفـع مقامي و افـتخر باسم جـدي
و افـخر بجدي دايمن و اعتزي به


يـا صـفـحـة التاريـخ عـدي وعـدي
سـجـل على التاريخ جيش و كتيبه


لا جـاه رجـلـن حـده الـوقـت حـدي
يـبـشـر بـكـل الخـير مـن كـل صيبه


ذكـره عـلـى راس الجـزيـلة يشـدي
شجـاع مـتـواضـع فـعـوله عـطـيـبه


ما بـاح لـه بـيـن المـخـاليـق سـدي
الـديـن فـي قـلـبـه ولا يـحـب غـيـبه


يمشـي عـلى نهـج النبي ما يـردي
عـلـى طـريـق الحق يمشي صحيبه


ابـــوي وصــانــي لــه بـــكــل ودي
خـلـك شـبـابــه بـعـد مـاجـاه شيـبه


نصـيحـته دايم على الخـير عـندي
باب النـصـايـح دون شـكـن و ريبه


عـلـى فــعـول الخـيـر دايــم يـقــدي
يـتـرك طــريق المـهـزلـة و المعيبه


يبعد عـن أهـل البخل والكـذب بعـدي
و يسير صوب اهل الصدور الرحيبه


جـده و ابـوه بـوقـت صـيـفـن وبـردي
افـعـالـهـم مــن عـهـد عـنـتـر زبـيـبـه


اقـول ابـوي احـيـان و احـيـان جـدي
يـا كـبـر مـقـداره و يـا كـبـر طــيـبـه

الشاعر : طارق حمد الرشيدي

[سلطان القلادي]

تعجز الحروف عن وصف هاذا الابداع
شاعر ابياته جزله دائما شاعر اتخذ التميز مساره في مجال الشعر
نتمنى له التوفيق والي الامام بنتظار جديدك ابو سعود

[اصيل عبس]

صح لسان الشاعر طارق حمد الرشيدي
أتمنى له التوفيق في الشعر والقصيد
ولك جزيل الشكر أبو سعود على النقل

[محمد الجنيني]

أبـو نـديـب اقــولـهـا بــكـل جــدي
بـيـته عـلى الامـجاد مزبن وهيبه


ارفـع مقامي و افـتخر باسم جـدي
و افـخر بجدي دايمن و اعتزي به
بيض الله وجهك عاى القصيده الرائعه ويستاهل كل الطيب الشيخ ابو نديب

[يبطون ماوصلوا مواصيل قدري]

يستاهل أبو نديب
بيض الله وجهك وصح لسانك
كلمات بقمة الروعه ..شكرا ع النقل اخوي ابوسعود ..لاهنت
كل التقدير...