بيت شعر تردده اذا ضاق صدرك

[البدر]

صباحكم / مسائـــكم نـــــــــــــــــــــــــــــــور و ســــــــــــــــــــــــرور



وشـ البيت اللي إذا ضاق صدرك ترددهـ .. ؟

منــا من يطرق بــاب الحزن ..

ومنــا من يطرق بـاب التفــائل ..


على حسب شخصية الأنســان ووضعه المزاجي في تلك اللحظــات ,,

[البدر]

لاتحامت ضيقة البال والمسرى طويـل
والخـوي إللي زهمته تناسـاك وسرى

لاتعـوِّدها علـى الـذل لاعـاش الـذلـيـل
دام لك راسٍ على العز والطالة ضرى
​

[يبطون ماوصلوا مواصيل قدري]

موضوع جميل..وهنا نجد مساحه للبوح
قريبه لقلبي تلك الزاويه...شكرا من الأعماق على هذا الموضوع...

[ماجد البويدي]

دام راسك يالبدر
والله يعطيك العافيه علي
الابيات الجميله وتقبل مروري
.......................وتحياتي

[البدر]

يبطون
الابداع منبعك لاعدمناك

[البدر]

ماجد البويدي
ومن قال يسلم ويدووم
لاهنت على المرور الجميل
تحياتي لك

[ابو يوسف]

كفو يالبدر وكل ماتقدمة إمبدع وسوف يكون هنا قسم خاص للخوطر والمدونات للاعضاء

[يبطون ماوصلوا مواصيل قدري]

الضيق مثل الضيف والشاهد الله
يجي معي حتى وأنا بعز نومي..
.
.
بوح ضيقي..

[بندر القلادي]

هلا وغلا بالشباب المبدعين والمميزين واشكركم على هذا الابداع

يجيلك يو تذكر على شانك انا وش سويت ............ اذا برت بك الدينا وبرو فيك خلانك

انا بنصحك لاتامن نزولك بعد ماعديت ..................يجيلك يوم تذكر كلام قلت بالسانك

[نآيف القلآدي]

أتسمّر على جدران ظلّي ،
واتشرّه على رجع الصدى

واتوحّا ياعله صوت خلّي ،
واتلفّت ولا حولي .. حدى !

[اصيل عبس]

يعطيك العافيه اخوي البدر
دائما مبدع ومميز

[يبطون ماوصلوا مواصيل قدري]

ياشينها لاصرت طيب على طول
وتظهر رضا نفسك وتخفي زعلها

وقلوب بعض الناس تحتاج ديتول
يقتل جراثيم الحسد ويغسلها...

[يبطون ماوصلوا مواصيل قدري]

ماني ولد عمك ولاخالك أبوي
ولاجمعني فيك أصل وقبيله

بس أعتبرك أخوي وأكثر من أخوي
رفقة عمر ماهي سواليف ليله...

[البدر]

مالي مشاريهن على الناس ياسعود
هي شرهه وحده وبالقلب ماتت

[يبطون ماوصلوا مواصيل قدري]

ما كرهت من الطبايع ومن بعض الكلام
غير ضحكات المجامل وطعنات : القفى

[يبطون ماوصلوا مواصيل قدري]

‏لآ تنزعج من جفآي و طبعّي آلشآرد
آنآ آكثر آنسآن يمشي عكس رغبآته

[يبطون ماوصلوا مواصيل قدري]

‏نحب وندآري آلأخلآق و آلسمعه
و آلنفس من عزهآ يلقى گرآمتهآ،
گرآمة آلشخص مثل آلعين و آلدمعه
( لآزآد ) تگـرآرهـآ ( تقـل ) هيبتهآ

[يبطون ماوصلوا مواصيل قدري]

الجروح انواع والنوع الخطير
جرح ماتقدر تعلم به احد ..”

[يبطون ماوصلوا مواصيل قدري]

صديت عن قلبـي و هـو منكسر لك
وان زاد صدك يمكن أنساك وأسلى
لا تنتظر منـي أجـي وأعـتـذر لك
غـالي ولكــن عـزة النفـس أغلي

[يبطون ماوصلوا مواصيل قدري]

هذي اول ليله أسهرها وحيد
لا نديم و لا حبيب و لا خوي

بس انا والليل والفجر البعيد
نوزن القمرا على لحن بْدوي

[يبطون ماوصلوا مواصيل قدري]

يا الله عسى وجهي مع الناس واحـد
لـو كـانت ظروفي لها عـدة وجيـﮫﮧ

[يبطون ماوصلوا مواصيل قدري]

ما بين كل صفحتين بهالعمر ورده
جفت وباقي شذاها بالورق فايح

يمر ليل الفرح في حزنه وبرده
والناس حولي وتبقى الباقي الرايح

[يبطون ماوصلوا مواصيل قدري]

يالله عجل بالفرج وأنت راعيه
كم ليلة ضاقت وعندك فرجها...

[نآيف القلآدي]

سمح الله خطوتك عند الرحيل
....لاملام ولا عتاب ولا مدامع

رغبتك والبعد تبغاه الحصيل
لاني بْميت ولا بالوصل طامع

[يبطون ماوصلوا مواصيل قدري]

‏•
خل المشَاعر تموت وتندفن فيني !
ابرك من اللي تجِيه وما يقدرها .

[يبطون ماوصلوا مواصيل قدري]

‏ماا بكيتك من فضاوه !
كنت في صدري ؛ كبير"
.
.

[يبطون ماوصلوا مواصيل قدري]

‏بعض الوجع .. ماتسعفه نبرة البوح
موت المشاعر بعض الأحيان راحه !

[يبطون ماوصلوا مواصيل قدري]

مغنيني الله عن زكاة المشاعر
والحمدلله ماعلى حالي قصور

أملك شموخ ملوك وإحساس شاعر
وسويت لي من عزة النفس دستور

[يبطون ماوصلوا مواصيل قدري]

‏عوّد احساسك على شعُور الرضا,
لو وسط صدرك من الضيقة كثير !

[البدر]

الظن يوجع رآعي الظن لآ خآب
والنفس لآ عآفت من الشي عآفت '

[يبطون ماوصلوا مواصيل قدري]

مابين تأكيدي وبين أحتمالي
كم كشفت أشياء م أحب أكتشفها

الأمور الي تنقص قدر غالي
والله أن ودي أموت ولا أعرفها..

[يبطون ماوصلوا مواصيل قدري]

الله يقوينا على مدت الطيب
والله يجملنا على ما عطينا

والله يجنبنا عن الظلم والعيب
والله يجازي من نوى الظلم فينا..

[يبطون ماوصلوا مواصيل قدري]

في عيوني طموح وفي ايديني قيود
لكن النفس تسعى فوق مقدورها

[يبطون ماوصلوا مواصيل قدري]

كلامك الي مرسله وأنت زعلان
بسيط لو غيرك من الناس قاله

حاولت أسمي زلتك زلة لسان
لكنها مكتوبةٍ في رساله

[يبطون ماوصلوا مواصيل قدري]

اتعب من الواقع ومن كثر الاحلام
حلمي وجوده صار مثل انعدامه

افراحنا طاحت من اوجاع الايام
الله يقوم فرحتي بالسلامه..

[نآيف القلآدي]

ان رحت جاء غيرك من الناس مثلك
وان جيت كل الناس مثلك وزيك

[يبطون ماوصلوا مواصيل قدري]

يالله عسا ذالصبح يصبح على خير
وكل الامور الي على الباب تفرج

وتشرق لنا شمس الفجر بالتباشير
ونلقي لنا من ضيقة الصدر مخرج..

[يبطون ماوصلوا مواصيل قدري]

خطاك عندي مايقلل مقامك
والبعد قسمه واللقا معك قسمه
شفني على كثر القهر من كلامك
ب أروح وأنا ماجرحتك ب( كلمه)

[يبطون ماوصلوا مواصيل قدري]

لو السهر يقدر يسولف مع الناس
أشر علي وقال هذا رفيقي...

[يبطون ماوصلوا مواصيل قدري]

لاشانت ظروف الزمان ابتسمنا
... بسمة تبكي حولنا كل شمات...

[ابو بندر]

6"]شكرك اخوي البدر

[يبطون ماوصلوا مواصيل قدري]

الحظ مايسمع ولا ينطق ولا عنده نظآم ..
أظن لو يعرف عنآ رآعيه فز وقآآآآآم له ..

[يبطون ماوصلوا مواصيل قدري]

هوّن عَلَى نَفسك إذآ ضقت . . وتهووون..
لآ تنشغل بـ الشرح / و آلجرح جرحـك..!!


اللي يَبي كرهك بـ يكرهك - مـن دون -
و اللي يحبك .. مآهو محتآج : " شرحـك..!!

[يبطون ماوصلوا مواصيل قدري]

المشكلة لاصرت مظلوم في شي
ومحدن يفسر طيبك ابحسن نية
لكن مصيره يلتقي الحي بالحي
وتبقى النوايا للخلايق مطيه

[يبطون ماوصلوا مواصيل قدري]

على آلله شگينا گـل ھم يگود دواه
جزيل العطآيا وآحدٍ ماآنغلق بابه

سجدنا لعزّه وانثنينا لحوز رضاه
عسى آلله يفرّج گـل ھـمّ شقينـا به

[البدر]

يـا وش كثر .. تشبه دموعك .. محاصيلي
.......................... من هالزمان العجيب .. وسالفة .. جرحي


كم كنت وافي .. ولكن من يوّفي لي
.............................. حتى القلوب الحزينه .. تستلف فرحي

[يبطون ماوصلوا مواصيل قدري]

أنا المركون .. في رف التعاسه
متى مااحتاجوا لحزني لقوني

أمر في بالهم مع كل دمعه
وإذا مرتهم البسمه/ نسوني..!

[البدر]

تبغى تصير إنسان عايش براحه
لاتشغل التفكير فـ أوضاع غيرك !

واصنع لنفسك في حياتك مساحه
وابعد عن العالم : وريح ضميرك !"

[البدر]

تبغى تصير إنسان عايش براحه
لاتشغل التفكير فـ أوضاع غيرك !

واصنع لنفسك في حياتك مساحه
وابعد عن العالم : وريح ضميرك !"

[يبطون ماوصلوا مواصيل قدري]

تعبت اسامر طاري العوده ولا هي عائده
ودعتها قلبي عسا ربي يعقل وداعتي...
.
.
من أجمل ماسمعت!

[يبطون ماوصلوا مواصيل قدري]

فرحت سنيني ناقصه وأحلام عمري زايده
.....مابيني وبين الجنون الا درع قناعتي
شيئ ن منه يستفزع الرجال من بدايته
....أخاف لا أستفزع وأجيب العيد في (فــــــــزاعتي)

[غيمة عابره]

سلام"احلى من حليب المصاغير
وألذ من طعم العسل في مذاقه

للي يتابعني وناوي لي الخير
يالله عسى عيني ماتبكي فراقه

صباااح إإآآالخير ��

[غيمة عابره]

يقولون راحوا هل الطيب ... والمعروف
و انا اقول كلمة من يقولون ما صحّت

طوال اليماني لو لحقهم كلف وظروف
يديها عن الماجوب و الطيب ما شحّت

[غيمة عابره]

ارس .. ياراسي ترا .. الواقع يتعّب
بارك الله في مدى صبري وجاشي

لا تدقق .. فَ الحياه ... ولا تصعّب
مش تمشي ما تمشّي منت ماشي

[يبطون ماوصلوا مواصيل قدري]

ماعلمك صوت المطر كيف احتريك
ولا المطر ما جاب لي طاري ابد ....

[يبطون ماوصلوا مواصيل قدري]

منْ غِيـابكَـ ياَ غيُابيْ ما أحِسَ بهَا الوَجوْد
يا وجَودي مُن غْيـابكـَ عافتِ الناَسْ المدينَة

طاَلعْ شَموخُ المَبانيِ رافعَـه حْـدادَ الصِـدودْ
والشَوارع يـا غلاي ترقبْ وصَالكـْ حزينةَ

والشَجـْر غصِنه يبَسْ وذبلتْ كـِل الورُودْ
والَزهـرْ عطـِره تلاشَى غابْ روعةَ ياسَمينْـهِ

[يبطون ماوصلوا مواصيل قدري]

الكتوم اللي وسط صدره حكي
دآخله.... مبدأ يبيه ومااايبيه

ودهـ يفضفض..وودهـ يشتكي
بس يخااف الناس لاتشفق عليه

[غيمة عابره]

حياتي على حبل الرفاقه ذرى وحجاب
وعيني مع الأجنـآب تـخـدم مـعارفها

عسى سمعتي تنذاع مع خيرة الأصحاب
ولا تـنـذكر فـي مـاقـفٍ ما يشـرفـهـا

[غيمة عابره]

حياتي على حبل الرفاقه ذرى وحجاب
وعيني مع الأجنـآب تـخـدم مـعارفها

عسى سمعتي تنذاع مع خيرة الأصحاب
ولا تـنـذكر فـي مـاقـفٍ ما يشـرفـهـا

[يبطون ماوصلوا مواصيل قدري]

الصدق لو يجرح ترا دايم جمييل
قسسوة وضوح ولا غمووض يضيعك

[غيمة عابره]

لا طال المدى واشتد وجه الزمان وشان
يطيحون ثلثين الرفاقه من عيونك

يبين الأصيل من الردي والزمن ميدان
يبيّن لك اللي لا لقى الفرصه يخونك

[غيمة عابره]

الطلقه اللي بالظهر من ولد عمّ
انا اشهد انها ياعلي روّعتني

حاولت اغطي جرحها واستر الدّم
واقول ثارت بالخطا (ما اوجعتني)

ألييييمه����

[غيمة عابره]

اتقهوى صبر و اقدع من العقل اللبيب
و اتجاهل كلمة اللاش وش مضمونها !

[يبطون ماوصلوا مواصيل قدري]

عسى من غفى وهو مكسور الأحلآم
يصحى على فرحه تجدّد ..حيآإته

[يبطون ماوصلوا مواصيل قدري]

أبطيت أكافح ضيقـة البـال بالبـال
وأدفـع بـلا هاجوسهـا كـل ليلـه

لين أقبلـة مثـل السحابـه بهمـال
تشفي غليـل اللـي تزايـد غليلـه

[يبطون ماوصلوا مواصيل قدري]

‏احتجت لك واحتاج لك ظل وسْناد
العمر ينقص واحتياجي لك يزيد

[يبطون ماوصلوا مواصيل قدري]

ليلة " غياب " وعلمتني "وش الفقد
عرفت كيف أسكت وانا ممتلي بوح



//
الليل " دونك " دمعةٍ " ما " لها ,خد
والصبح " دونك ضحكةٍ مابها روح

[يبطون ماوصلوا مواصيل قدري]

الغيااااااب المر وكفووف الودااع
لاطرت لي حااست الدنيا علي

[يبطون ماوصلوا مواصيل قدري]

‏لا كبر ابوك وشاب راسه وأنحنا
فاخفض جناح الذل يامال الغناه

قبل يقول فلان قول انا هنا
وافهم ترا لبيه : ماهي مثل هاه

[يبطون ماوصلوا مواصيل قدري]

المبإدي َ’ لو تهآوت { مآ بقى } للعز بآب
و المصآيب إن [ تخآوت لك ] تجي متجمعه

من لمس { شمس َالمعزهـ } موطنِه فوق السحإبْ
وَ منً غلب [ شهوآت نفسهُ ] فَ الشهإمه تصنعَه

لَيت { كُل طيب } تمنى مآ إنجرحْ قلبه وَ خإبْ
و ليت كُل مفقود [ يقدر فـــــآقدهـ ] يسترجعه

[غيمة عابره]

الكفــو لـا سقـت لــہ فنــجال قـــلــہ
تستحق الــكيـف يـا ذرب الــيمينــي

والـردي لــا سقـــت لــہ فـنجال دلــہ
قل عساهــاعنـي وعن والـديني

[غيمة عابره]

مشينا على درب المعزه ونهج العود
وفي جامعة شيخ المراجل تعلمنا
عسى الله يبعدنا عن العيب والمنقود
وعسى الله في عيون النشاما يجملنا،،

[غيمة عابره]

فرقا على : حشمة ، و قيمة ، و تقدير :
ولا طعنةٍ تبطي .. و يبطي وجعها..

[يبطون ماوصلوا مواصيل قدري]

من ورى صمتي حكايه للغموض
لا تبعثرني تراني ... مكتفي

الحزن ماخذ من الخافق حظوظ
والفرح لحظه يجي ثم يختفي

[يبطون ماوصلوا مواصيل قدري]

انا ابتسم واروق واعـانـد الحرف
ورسن القوافي احكمه في يميني

هرجة بلا معنى غضيت بالطرف
وشمـت عنها بالادب ما تجيــني

[يبطون ماوصلوا مواصيل قدري]

ياما كسبت الكثير بـ طيبه إحساسي
وياما خسرت الكثير بـ سبة (الطيبه)

[يبطون ماوصلوا مواصيل قدري]

/
جحآدة المعرووووف وصغار العقول
مآكرررررهوني بالوفاء والا العطـــــآآء
أكرر الوقفآااااااات وأفعل مآأقووووول
أنا وشموخي( صح )والبآآآآآآآآآآقي(خطأ )

[غيمة عابره]

اهجر قصور الذل لو هي ذهب
ۆاسگـن بيوٺ العز لو هي خرابَہ،،

[يبطون ماوصلوا مواصيل قدري]

مابين تقليب المواجع والاسباب ،
فاصل رقيق من التعب والكئابہ'هِ

و مابين تغيير النوايا و الاحباب ،
دمعہ' وصوت وذكريات وكتابهہ'هِ

[غيمة عابره]

مَ بين عآدآت ، وتـقآليد شيبآن
شمنآ عن دروب آلردى وآلمعيبہ✋

[غيمة عابره]

اسمي اللي تعرفونه بين الاسماء المستعاره
ما استعرته غير في نهج الدروب المستقيمه✋

[غيمة عابره]

رﺎس يقلل قيمتك لا #تحشمهہ
لو زانّ في وجهك لقاهہ وكلامہ ��

[غيمة عابره]

هدووء رااق لي ،،،

هناااا����

[غيمة عابره]

يقولون لا ترسلين قصيد وتهيضينا*
وانآ آقول هذآ مآيخفف هوآجيسي*
يقولون آبيآتك ترى حييل تشحنآ*
وانآ آقول آكتبهآ ۈتبدآ ؤسآويسي


يابري حاااالي😓

[غيمة عابره]

هذا المكان اللي بقا حي مامات
لا جتني الضيقه توجهت يمه

جلست به لو هي دقايق ولحظات
وريحت قلبٍ وارثٍ من الزمن همه،،

[غيمة عابره]

قل للحزن ما عآد له شرهه عليّ ،
حقهّ ثلاث أيآم .. واكرمته ( سنه ) !”

[غيمة عابره]

���� شد حيلك يا مدوّر لـ زّلاتي طريق
لا تردّت بك عزومك ترى عزمي قوي
والله إن تبطي ونفسك من العليا تضيق
دام راسي فوق متني ولي عقلٍ سوي..����

[البدر]

سج القدم والله عليه التوافيق
وليا جفتك الدار دور بدلها

[البدر]

نسير في الأرض.. دام الأرض ممتدة..
وان ظلّم الليل.. ما تهنا.. ولا ضعنا..
عشنا التجارب.. وذقنا اللين والشدة..
وصكّات الايام.. توجعنا.. وتنفعنا.

[يبطون ماوصلوا مواصيل قدري]

علّمتها ماتنكسر لـ النهايات ..!
تضحگ لو ان الحزن بانيلها صرح

راحت وفيها من دروسي علامات
في وجهها بسمه وفي قلبها جرح

[يبطون ماوصلوا مواصيل قدري]

لو يميل آلحظ والخآطر . .يشين
مَ رجيت من آلبشر عطف وسند

[يبطون ماوصلوا مواصيل قدري]

اجلس مع الي يحب الضحك واللجه
وأبعد عن الي شبيهك عاقد حجاجه..
.
.
.

[يبطون ماوصلوا مواصيل قدري]

لو مالت ظنونك فانا بالوفاء ما ملت
عندي على صدق المشاعر حميا،،،

[يبطون ماوصلوا مواصيل قدري]

لاجادت الدنيا وطير السّعد حام
القومه الي تطلق الوجه .. قمها

بعض الفرص أكبر من الحظ لاقام
لكنّ تبغى واحدٍ ... يغتنمها !!

[يبطون ماوصلوا مواصيل قدري]

حياتي على حبل الرفاقه ذرى وحجاب
وعيني مع الأجنـآب تـخـدم مـعارفها

عسى سمعتي تنذاع مع خيرة الأصحاب
ولا تـنـذكر فـي مـاقـفٍ ما يشـرفـهـا

[يبطون ماوصلوا مواصيل قدري]

أنا أبسط إنسانه حسب مجرياتي :
توجعني الكلمه ويرضيني الورد:098:

[يبطون ماوصلوا مواصيل قدري]

تدري وش اللي يعتبر قمة الربح
شخصٍ لجلّ سود الليآلي ذخرته

واكبر " ألمْ " انك ع طلعة الصبح
ودك تصبح به ولكن "" خسرته ""

[نآيف القلآدي]

الظروف احيان مآتخدم وجيه
واللقا ماهو نهآيآت الحياه

وكان في صدرك عتابٍ مبتديه
ارسل ابياتك ويآصل مبتغاه

[يبطون ماوصلوا مواصيل قدري]

حاولت في قلبي وانا اقول بانساك
....واعيش دنيا في حياتي جديدة
أثر الغلا ماتعجبة غير دنياك
....والقلب غيرك ماسكن في وريدة

[يبطون ماوصلوا مواصيل قدري]

شفني وأنا فـ عيوني [ الحزن ] ساكن
وإن لمتني ما نيب حمل الملامه ..!

تبيني أفرح ..؟! ودي أفرح ولكن ..
ما به فرح يكفي لنصف [ إبتسامه ] ..!

[يبطون ماوصلوا مواصيل قدري]

شيً بصـدري لـي زمـانٍ مخبيـه
ودي أقوله !! لكن اشلون اقوووله
اخاف لاجيـت اتكلـم وابّديـه
يفهم على مفهوم ماهوب حووولـه

[يبطون ماوصلوا مواصيل قدري]

ياضيقة الصدر وش تبغين من صدري

سيفك علامك على صدري تسلينه

[يبطون ماوصلوا مواصيل قدري]

أنـا لـي قـلـب مـايـحـقــد ولا يـحـســد ولا يـغـتــاب
لأن الـنــاس مـن تـخـطــي .. لـهــا ربٍ يـجــازيـهــا

[يبطون ماوصلوا مواصيل قدري]

إرفع لحاف الضحك تلقى تناهيد
كم من حزينٍ يلتحف ضحك سّنه

[يبطون ماوصلوا مواصيل قدري]

قلوبنـاا ماهي فناجيـل قهـوه
نكرم بهـا كل من جونـا مساييـر

[يبطون ماوصلوا مواصيل قدري]

ليت كل الناس بأوصاف الغيوم
لا سواد ، و لا نفاق ، و لا ريا

[يبطون ماوصلوا مواصيل قدري]

لا طاح معكاز الهقاوي على القاع
اثبت على ساق الصبر في مكاني

[البدر]

جــر قلبي هاجسه والهــم لافه ..
لا تقول اللي غدى ياسعود كافي

نعمة النسيان في عمري مسافة ..
والتغاضي خير من سُم التجافي

[يبطون ماوصلوا مواصيل قدري]

‏"‏‏أنآ أحمد الله بدل الضوق..بآلضيق‏
والهم..من رآآسي نزل للموآآطي"‏

[البدر]

باكر يزين الحال وتزول الاوهام
.وبعض الوجيه تبين بيض وسودي

[البدر]

كم لي وانا ارقص احلامي على ظني
واطرد هذيك الاماني بس ما امداني

كل السنين العجاف اللي توطني
ماضرني جورها يوم الله انجاني

[البدر]

مهما يجيك أمن الردى من رفيقك"
"حاول تغاضى والردى لايجي منك
ترى رفيقك لو وقف في طريقك"
"مثل الرصيد أن زاد وأن قّل بالبنك
وأعرف عدوك قبل تعرف صديقك"
"ومن مايحس أبضيقتك مادرى عنك
ولاتيّدالمخطي لو أنه شقيقك"
"وش عذرك من اللي على أيسرك ويمنك

[يبطون ماوصلوا مواصيل قدري]

إن كتمت الجرح .. من طيبي .. ولعيـون الأخـوّة
وإن كتبته.. ما كتبتـه غيـر .. لعيـون الكتابـة

[يبطون ماوصلوا مواصيل قدري]

أميــل للعــزله وأبعــد عـن النـــآس ..
ما ابــي عيــووون النــآس تنظــر لحـــآلي ..

[يبطون ماوصلوا مواصيل قدري]

قدرك مثل مآ كان رغم المقآدير
مآ قل في غيبتك " مثقآل ذرّه " !

أدعيْ لك آلله , و أتذكرك بالخير
و أقول : جعل الوقت يكفيه شرّه !

[يبطون ماوصلوا مواصيل قدري]

جيت لك وسنيني تطالع ورا
تارك أجمل من فقد قلبي وراي

داوني ، وإن شفت جرحي مابرى
يكفي إنك قمت بالواجب معاي !

[غيمة عابره]

دن القلم واكتب من الشعر بيتين
من هاجس همه على القاف حده

هم يخلي ليل الأحزان.... ليلين
كنه يبات الليل تحت .....المخده”

[يبطون ماوصلوا مواصيل قدري]

ليت القلوب طيور ... وتلاحق النور
تترك . من الضيقات . مايجلب الهم

او ليت ما له فيه ... ضلعٍ ولا سور
لاجاته الضيقه ..... غادر ولا اهتم

[يبطون ماوصلوا مواصيل قدري]

ترآ طبـوع آلنـآس آنـوآع وآشكآل
عمر آلاصـآبع مآتسـآوت فآلآيدين

آحدٍ طبوعه تبري آلقـلب وآلبآل
وحدٍ طبوعہَ فعلهـآ تعمي آلعين

[يبطون ماوصلوا مواصيل قدري]

ترآ طبـوع آلنـآس آنـوآع وآشكآل
عمر آلاصـآبع مآتسـآوت فآلآيدين

آحدٍ طبوعه تبري آلقـلب وآلبآل
وحدٍ طبوعہَ فعلهـآ تعمي آلعين

[يبطون ماوصلوا مواصيل قدري]

حقه علي مآحد ينزل , بْ منزآله
هذي دلاله و ذآ بيته , وذي ضـوه
وحقي علي مَ آتبع آلمقفي ولا أبرآله
ولانيب من قـوم ( ﻵ‌ حيل ولاقـوه )"

[غيمة عابره]

ي مسـاء الخيـر و ﺎعـم الجميـع
ب آلمحبه و المـوده والغلا ♥

ﺎلوفاء و ﺎلجـود لاا يمـكـن يضيـع
ي هلا متابعيني ي هلا��

[يبطون ماوصلوا مواصيل قدري]

للسنين المُعتمه .. لآخر بلاد
للمَدى / للكون / لـ الحزن الكفيف
كنت مثمر حُب في موسم حصاد
وعبثوا بي ناس تشبه لـ [ الخريف ]

[يبطون ماوصلوا مواصيل قدري]

كانوا لي العمر .. كانوا أجمل أيامي
لا مرّت الذكريات إشلون أسامحهم ؟

وعودهم .. كل يوم .. تمر .. قدامي !!
وأصدّ .. ما ودّي .. أتذكر : ملامحهم

[يبطون ماوصلوا مواصيل قدري]

-





‏مصيبة ليا من ابن عمك تردا فيك
ونصيت البعيد وقام معك وجلا همك
لا قال أبشر أبشر والله ان كنه يعزيك
على موتت عروق الحميّا فـ ابن عمك

[يبطون ماوصلوا مواصيل قدري]

’’



مايستفز الضيق غير الذكريات
يعني علاج الفقد فقد الذاكرة !

[يبطون ماوصلوا مواصيل قدري]

　



احبابي اللي مانفع فيهم عطى
خليتهم للوقت واعلنت الغياب .

[يبطون ماوصلوا مواصيل قدري]

اطلب من العز ما يطري على بالك
لكن على عز نفسي لا تساومني !

[غيمة عابره]

والله اني عارفن ماعلى الدنيا مقام
من رجاها مثل راجي سراب القايله

الحظيظ اللي توجه لربه و استقام
واشترى الدار الاخيره بدارن زايله”

[غيمة عابره]

على الله سيّرها والرجا ماخاب
على الواحد اللي فيه الامال معقوده

كريمٍ ليا مني دعيته فتح لي باب
حليمٍ ليا زليت ماآيّسـت من جوده

[غيمة عابره]

يطيح واقف راعي الطيب لو طاح
طيبہ رصيدھ ف / الشدايد يشيلہ

يموت راع الطيب والطيب ما راح
يبقى مع ( الأجيال ) لو راح جيلہ ..

[غيمة عابره]

أبسط شيء تستطيع فعله هو
نظافة قلبك ؛ ﻻ تؤذي أحد وﻻ
تجرح أحد ؛ كن شيئا جميلا
ﻻ ينساهُ أحد ..♪♡!

[غيمة عابره]

ذكر اللّه أسهل العبادات.. وأكثرها أجراَ
آلحمدللہَ آلذيَ جعَل فَِ ذِكرہُ
راحةُ لعبادہُ ..♡ َ

[يبطون ماوصلوا مواصيل قدري]

لا صــار طــفــل ويــشـــتـــكـــي ضــيــقــة الــخــلــق
وش عــــاد بــــاقــي نــشــتــكــــي مــنــه حــنــا!!!

[فزاع عبس]

ماكل جرحِ مع الايام يبرى .. بعض الجروح يزيد شره مع الوقت

[يبطون ماوصلوا مواصيل قدري]

تواصوا بخير وسكرو باب الأحقاد !
حصيلكم مرصود و العمر محدود ..

جودو ببذل الخير يا حـظ مـن جـاد !
كم واحدٍ موجود والصبـح مفقـود ..

[يبطون ماوصلوا مواصيل قدري]

تواصوا بخير وسكرو باب الأحقاد !
حصيلكم مرصود و العمر محدود ..

جودو ببذل الخير يا حـظ مـن جـاد !
كم واحدٍ موجود والصبـح مفقـود ..

[يبطون ماوصلوا مواصيل قدري]

اليا وصــلت وجيــت اسجــل حــضوري
ابرمـــج الآلـــه علـــى كيـــف ما شـــاء

والـــغــربه اللي تــتــسم في مــــروري
يمكن عزوف الحرف في وقت الامضاء

هــذي وتلـك فــــي مراحــــل عـــبوري
ماكـل شخـصٍ يجــذبه نــوض الاغراء

[محمد الجنيني]

في سكوته طاح من عيني الكلام ....
....ومن كلامه طاح من عيني القصيد

[محمد الجنيني]

الموت هيّن .. والبلا وش ورا الموت ؟!!
عند الحساب / يهون سهم المنايا

[البدر]

من الضيقة اللي خيمت في صميم الجوف
أجامل وعيني تخطي النوم وتصيبه
تحاربت أنا والحظ حرب بدون سيوف
على مطلبن مدري متى الحظ بيجيبه

[يبطون ماوصلوا مواصيل قدري]

[ مشاعرك ] .. عاشت معي مثل :- الايتام

أحس فيها .. لكن :- افقد ( وجـودك ) !

[يبطون ماوصلوا مواصيل قدري]

تقول لي " ضايق " واقول لك أبوك للجنه
ماعاد يسوى عليك اليوم تعذيبي
فإن كنت ناسي خطاي البارحه " مِــنه "
أنا نسيت الطعون الخضر من طيبي

[يبطون ماوصلوا مواصيل قدري]

على كثر المواجع والأسى ياحظي المعثور
أمني خاطري و أضحك من همومي على حالي
أخفي بعض مافيني وبعضي لا حكى معذور
مادام العمر ماوقف على حزني ولا أطلالي

[يبطون ماوصلوا مواصيل قدري]

بعض الضماير ميت احساس لو حي
عاتب زمان الجور والهـم عاتـب

[يبطون ماوصلوا مواصيل قدري]

لاطاح من صدري ..(عتب) ماحملته ..
طبعي كذا اعتب / ولااعرف اشيل .
واذا شعرت بشيء مابيه / قلته
وان قلت اقول من العتب ..(شي ماقيل )
حتى السحاب اللي قبل عام / طلته
قطفت منه غيمتين وغدن سيل ..

[يبطون ماوصلوا مواصيل قدري]

خسرتْ يامآ بسْ مآ أنّزلْ الرآسْ
تبقىْ المباديْ فيْ حياتيْ مباديْ

عطيتْ يامآ بسْ لآ يمكنْ اندآسْ
هذآ البحرْ ينهابْ لوْ كانْ هاديْ

نفسيْ عزيزهْ والقناعاتْ نبرآسْ
وصدريْ كتابْ أبيضْ ولا هو رماديْ

[يبطون ماوصلوا مواصيل قدري]

اللي غلآته غير / جت طعنته غير
دنيآك هذي / كل أبوهآ . .غــرآبــه . . . . . . . .!!
ياقلب مهما . . تنطعن خللك كبير
دنيآ الوفآ / لآزال فيها..رحــآبــه . . . . . . . .!!

[يبطون ماوصلوا مواصيل قدري]

مالحزني صوت ؟ مدري هو خطأ والا صواب !
بـس أعـرف أنـي حـزيـن وصـوتـي الـلـيـلـه جـهور

[يبطون ماوصلوا مواصيل قدري]

كم عبرة ٍ لا غفيت أكنها بصدري
مير البلا لا قعدت الصبح ما راحت ..!!

[محمد الجنيني]

على شانك بكيت بصمت.!
تألمت..وحزنت بصمت!
ولجل بسمه من شفاتك!
كتبت الأغنيات الخمس!
ولجل ماتبكي عيونك..
تحديت الزمان بهمس..
انا.......لجلك...

[محمد الجنيني]

مــحـتآج لكـ يآضوى عينــــي مع سنيني

ودي أنـآ أبـكـي بـحـضـنـكـ ثم تـنسـاني


لامــن خــذيت قــلبي وش بـقى فــيني؟

مآغــير جــرح بـكى عـلـيكـ وأبكـــــــآني


وإن كـنـت ضــآيـق حـيـآتـي لاتـنـاديني

مآ أحـب أشـوف الـحزن فـعيون خـلاني

[البدر]

على الله اسيّرها والرجا ما خاب
على الواحد اللي فيه الامال معقوده

كريمٍ ليا مني دعيته فتح لي باب
حليمٍ ليا زليت ما آيّسـت من جوده

[يبطون ماوصلوا مواصيل قدري]

لآَ يضيِقَ صدَركَ منْ آلدنيِآ /.. وهوُنهآ
مآلكَ ومآلَ آلهموُم و سيِرة أحزآنكَ
أرجعَ على آلضحكة البيِضاء و لونها
ولو كآنْ ماهوُ على شآني ؟ / .. على شآنكَ !

[محمد الجنيني]

لآ تشتكي للنآس .. مَهمآ تألمت
النآس مآتدري عن القلب وشفيه

حفظت درس مِن الزمان وتعلمت
محد يحس بالجرح ..غير راعيه

[يبطون ماوصلوا مواصيل قدري]

الضيقه اللى تسكن الصدر يا هيه
وش حاجتي لا ردها لا تجينـــــي

[يبطون ماوصلوا مواصيل قدري]

ارجي السنين المقبله تنصف الحال
.......... عقب السنين اللي مضت لي حزينه

مشيت كل دروب الأيــام بسكات
......... طـال الشقا والحزن طالـت سنينه

وكل من نشد ويقول وش هي الأحوال
......... اجامله بـ الـرد واقـول زينـه

[يبطون ماوصلوا مواصيل قدري]

ان قلت زانت خالف الوقت ظني
... وان قلت هانت عجلتني بلاووي

[يبطون ماوصلوا مواصيل قدري]

ياليت من هو باله اليـوم مرتـاح
.. نومه هني يرقد وعينه قريره

مثل الطفل لاطاح في مرقده طـاح
.. لا شاغله همه ولا هم غيره

[يبطون ماوصلوا مواصيل قدري]

يالله عسى ما تكره النفس خيره
. . . يا والي الدنيا عليك التدابير

[البدر]

قدرت أعيش الواقع اللي ما قدرت أتخيّله
مدري أصبت العذر أو في عذري أخطيت الصواب


بس المهم إني قدرت اضرب لغيري أمثله
وشلون ما يرجي ثواب الصدق أو يخشى العقاب


ما هو غرور ولا تواضع .. كل ما في المسألة
يا صاحبي .. إني رفضت أحسب لغير الله حساب


طرد السراب لمن يحسبه ماء .. ما هي مشكله
المشكله .. طرد السراب لمن يعرف إنه سراب

[يبطون ماوصلوا مواصيل قدري]

لو يميل آلحظ والخآطر يشين ..
ما رجيت من آلبشر عطف وسند !

[يبطون ماوصلوا مواصيل قدري]

سبحان من يعطي قبول المخاليق
وسبحان من يفرق عطا عبد/ عن عبد

بعض الآوادم شوفها يجلي الضيق
وبعض الآوادم شــوفها يدبل الكبد !

[يبطون ماوصلوا مواصيل قدري]

عرفت ﺎلخوي ﺎلي فداني بحال ومال
وعرفت ﺎلخوي ﺎلي عيونه ع ﺎلصده

يا كثر ﺎﻻرقام ﺎلي تخزن على ﺎلجوال
و ياقل ﺎلخوي ﺎلي معك حزة ﺎلشده

[يبطون ماوصلوا مواصيل قدري]

يـارب يـسـرهـا علـى كــل ضايق
وارفـع سـتار الهم عن كل محزون

لـوكان في درب السعاده عوايق
تهون مع رحمتك يا خالق الكون ..��

[يبطون ماوصلوا مواصيل قدري]

العمر مستقبل و حاضر و ماضي
و كل المراحل عند الانسان صعبه !

و اذا تعدىّ : " عمره الافتراضـي "
يكمل الباقي " بـدون أي : رغبه " !

[البدر]

كريم لكن .. ماني بحاتم الطيّ ​
طاغي .. ولكن حظّي اشدّ واطغا ​

من لايقدرني وانا عادني حي
مابغا يقدرني اذا مت مابغا​

[يبطون ماوصلوا مواصيل قدري]

المشكله هذا بلا ابوك ياعقاب
خشمك وهو خشمك ولو كان عايب

[يبطون ماوصلوا مواصيل قدري]

اختص لي ياطير من بدت القوم
...ابوي له ياطير كل احترامي..
سلم عليه وحب راسه على الدوم
وقبل ايديه وشم ريح الخزامي..

[حرف مبعثر]

تدري وش اللي يقرّب الناس منّي
إني اذا زادت .. جروحـي تبسمّـت
وتدري وش اللي يفرق الناس عنّي
اني كذا عايش على هامش الصمت

[يبطون ماوصلوا مواصيل قدري]

أيامنا كلها دقات
.......وكل دقة بتعليمة
وان ما اعتبرنا من اللي فات
........حياتنا مالها قيمة

[يبطون ماوصلوا مواصيل قدري]

. كثر الله خير جرحك والطيووف ..
قالهاا قلبي قبل صوتي (أفااا)

[يبطون ماوصلوا مواصيل قدري]

كم واحدا يعطيني الهرج مقلوب
...... ونا اعتبرته من خيار الاصاحيب

الفرق بين الناس في عقول وقلوب
..... واسرارهم يعلم بها عالم الغيب

العين ماتكشف لك اللي ورى الثوب
..... كل يضن ويخطي الضن ويصيب

[يبطون ماوصلوا مواصيل قدري]

يا عـزة النفس ما هنتي ولا مـلتي
لـو كـان بعـض الاوادم بان تقـصيره

وانا مع الناس عارف ويش مشكلتي
اعطيت بعض الاوادم فوق / تقديره

[يبطون ماوصلوا مواصيل قدري]

كلن على عرقه يمد المواجيب
وكلن على مربآه ينطق لسانه..

[حرف مبعثر]

ماني بقايل لك مثل باقي الناس
كل عام وانت بخير ..عيدك مبارك
انت بعيوني غير ياعذب الانفاس
كل عام وانت العيد ، فيك يتبارك
.
.
.
~_~

[يبطون ماوصلوا مواصيل قدري]

‏من لا يراعي خآطري ساعة الِضيق
مابيۿ في وقت ، الفرح صاحبن لي

[يبطون ماوصلوا مواصيل قدري]

بَـرررد . . يلف الأمكنة و الزوآيـآ ,, ......
بَرق وْ رعد و إحسآس بْالصمت وَ الليل !!

ليل الشتآ بـَرد ، و هـرُوب ، و َحكآيـآ ,, ......
خووف وَ رجآ ,, رنة حجول و موآويـل !!

[حرف مبعثر]

نظرة الأياام من (دونك) حزينة ؟
كم فقدتك /كم كتبتك كم بكيتك .!
عشت نااسي كل حاجاتي (الثمينة )
وكل يوم أنسى .. ولكن / مانسيتك

[يبطون ماوصلوا مواصيل قدري]

من عقب صده وانا متغير حالي
واحالي الي على الخلاق شاكيها...

[حرف مبعثر]

من بغى القرب ما تعذر بالظروف
ومن بغى البعد ما نمسك يديه !

[يبطون ماوصلوا مواصيل قدري]

لو شـح وقتي ماتموت المبادي
عزّة حصير ولا مهانه على زل
.

[يبطون ماوصلوا مواصيل قدري]

اشوم عن مجلس الحقران والهذره
....................ابوي مبطي عن الهذرات وصاني*

والوقت مايامن الرجال من غدره
.............والراس ماينحني كان الله أحياني

[يبطون ماوصلوا مواصيل قدري]

آلنوم فيني يشبه " هموم صدري "
لآجيت آنومهم صحوآ .. وآبلشوني
بس كيف آنومني آنآ كيف مدري
يصلح آنآم آن كنت فآتح عيوني

[يبطون ماوصلوا مواصيل قدري]

كم خذا الوقت منّا لكن الله عطانا
قوّ عزم وصلابة راس .. منّا والينا

لا تجرّب زعلنا .. لا زعلنا ترانا :
نعرف اللي لنا مانعرف اللي علينا

[يبطون ماوصلوا مواصيل قدري]

يحدني وقتي على الناس والناس .
ماتدري اني فالقسى ماتذرا.

والله لو ان الوقت به ذرة احساس .
ماشفتني على الطريق اتحرى.

[يبطون ماوصلوا مواصيل قدري]

مليت ازرع طيب واحصد عداوات
راع الوفا كن البشر ،،،،، مايبونه

دنيا بها الطيب غدى مثل الاموات
ماينذكر واليا انذكر ،،،، يجحدونه

[يبطون ماوصلوا مواصيل قدري]

أنا من الجيل القديم
اللي يحبّون النقا
قبل الجمال الظاهري !

[يبطون ماوصلوا مواصيل قدري]

جعلني عون لربعي إليا طال الطريق
وجعلني بالعزم والصبر محظوظ وقوي

وجعلني قدام لا أموت ما زعِّل صديق
وجعلني مارد محتاج ولا أفشل خوي

[يبطون ماوصلوا مواصيل قدري]

ناسٍ ،
ليا من طحت لفّاضة انفاس

و ناسٍ ،
طواري طيحتك .. تحتريها !

[حرف مبعثر]

‏الورد وأحساس المحّبين واحد
‏لا غاب ساقيهم ترحم عليهم
.
.
~_~

[يبطون ماوصلوا مواصيل قدري]

أنا بخير كان حالي يهمك..!!
بين التمام وبين (خله على الله)

[المـآيسترو]

‏-
‏
‏أحشميني يامقآبيل الليآلي
‏من علوم ٍمآ تعّز ولآ تشرّف

[يبطون ماوصلوا مواصيل قدري]

انت ثوبك نظيف ونيتك وسخه
نيتك لا تعلقها. مع ثيابك. !!
.
.
للمبدع مساعد الرشيدي..

[يبطون ماوصلوا مواصيل قدري]

من لا يعجبہ طبعنا .... لا يجينا
ومن هو يطب حدودنا يحترمها !!

[حرف مبعثر]

‏احس بشي في صدري صعب ينقال
‏شعور إنك معي لكنّي أنتظرك ..!

[يبطون ماوصلوا مواصيل قدري]

وسع مدارك عقلك وناظر
في مجتمع وضعه شبه سايب

اذاماكنت الغايب الحاضر
احذر تكون الحاضر ..الغايب

[فيحان الخياري]

انت مثل المطر تفرح بشوفك جموع
كيف انا اللي احبك يشبيه المطر

[فيحان الخياري]

‏يا رب هـ المرّه .. هـي آخر مرّه ،
‏ولا هو بـ شايفني ولا لامحني
‏-
‏ادري حلفت ان شارعه ما امرّه ،
‏لكن انا مشتاق له .. سامحني

[فيحان الخياري]

‏ء
‏
‏اغيب .. ما دام غيري كَمل الباقي
‏انا ما احب الحضوُر ، الليّ بلا معنى
‏
‏

[فيحان الخياري]

‏-
‏
‏اليوم جابتك الطواري على البال
‏وفي وسط عيني كن زولك تهيّا

[فيحان الخياري]

‏
‏لا تقولين : الزمان يْدور والناس تْغيّر
‏لا بغيتي ترحلين الباب مارد المقفّي

[فيحان الخياري]

‏.
‏ياشيخة العُوب ياللي بالدلع تغِري
‏ لا مرها العود أبو الستين غازلها)

[فيحان الخياري]

‏ركز معّي / دامك
‏مضيّع وفاهي !
‏أبغىٰ وصالك دون
‏" ظرف وقطاعه "
‏-
‏تعيش يومك بين
‏( نايم ولاهي )
‏و أعيش يومي ‘
‏ناطرك كل ساعه !

[فيحان الخياري]

‏والله إن الشوق ( طفل ) وجاك كلّه !
‏وأنتي ( أم الشوق ) من لحمه ودمّه
‏.
‏تجرحين الشوق وآنا أقول: يالله :)
‏( الحويّر ماتضرّه رمحة أمّه ) !!

[فيحان الخياري]

http://f.top4top.net/m_247xv7y1.mp3

[فيحان الخياري]

هذا سنابي يامدور سنابي
وي اللي تبونه ددقو فيه تلقون

حرفين مع تاريخ هجري عذابي
يمكن بعد هذا عليه تحنووون

لي

[يبطون ماوصلوا مواصيل قدري]

والي يخاف الهزيمه مايجيب النصر
غامر على الكايده حتى تجي حولها..

[يبطون ماوصلوا مواصيل قدري]

لا قل عرف العقول وطاح سعر الكلام
سلم على الصمت لامنه حفظ قيمته..

[يبطون ماوصلوا مواصيل قدري]

تكتبك بدموعها أصغر بناتك
أأأأأأأأأه ياحزني ودمعاتي السكيبه...

[يبطون ماوصلوا مواصيل قدري]

ياصاحبي لوتسمع هروج عني
من ناس قالوا كلمتن مالها ساس

حاول تعاملني بما شفت مني
ماهو تعاملني بما قالوا الناس