اهدى بيت شعر للي في بالك ..

[البدر]

{ صبآحكم ..ومسآئكم // ورد ..


7


7



مع اجمل الورود اهداء بيت شعر للي في بالك
يمنع ذكر اسم المهدى اليه ..


:

:

:


فالنطلق العنان لأجمل الابيات معكم

[البدر]

الهوى غصنٍ على الثاني يميل
يرتوي بوصال وإحساس ونظر

والهوى وصفٍ يبحر بالمخيل
و لوّنه مشتاق واللوحة صبر

[البدر]

انا نفسي عزيزه، ما تود اللي وداده ضاع
ولا تهوى عشيرٍ كل يوم يبدل أطباعه!

[يبطون ماوصلوا مواصيل قدري]

لا كنت أنا لاكان .. يـوم زعلتيـه

وشلون أبا أرضي خالقي لا حزنتي

كله ولا تكدير خاطرك مـا أبيـه

كل يهون رضاه عندي سوى إنتـي

يااللي وجودك فارغ العمر ماليـه

لا تهت في ليل الأحاسيـس بنتـي

لولاك عمري مـا تسـاوي لياليـه

عيشة خفوقٍ في صميمـه سكنتـي

[يبطون ماوصلوا مواصيل قدري]

قلوب بعض الناس مثل المطارات
هذا يطير وذاك تّوهـ موقّع

[يبطون ماوصلوا مواصيل قدري]

مصيرنا فاللـوح مافيـه تأخيـر
ساعة وفاتي تختلف عن وفاتـك


لـو إفترقنـا وفرّقتنـا المقاديـر
الله يصبرنـي علـى ذكرياتـك

[يبطون ماوصلوا مواصيل قدري]

جيت تـايه لـ الزوايا والرفـوف
منت فيها بس أحس أني معاك

صورتك وآخر رساله والطيوف
ليـه تتـركها هـنا دامك هنـاك ؟

[يبطون ماوصلوا مواصيل قدري]

على قد الشعور الضايق المُنهك
كتبتك للقاء خذني من إيديني

أنا بوجه الوفاء و الحب وبوجهك
إذا أحتجتك أمانه .. لا تخليني !

[يبطون ماوصلوا مواصيل قدري]

من أكبر أحلام الأكابر والشيوخ السايده
شروى بني عمي محازم جنبي وجماعتي....

[يبطون ماوصلوا مواصيل قدري]

بعض الوجيه تشوفها كل ليلة
لا شوق لا موعد ولكنها اقدار
وبعض الوجيه تغيب غيبة طويلة
لكن لها في القلب حشمة ومقدار

[البدر]

مالي ونيس إلا مداك وخيالك
قربك صباح وغيبتك ليل أعمى

[ماجد البويدي]

لاتشتکي ھمگ وحزنگ على الناس
أدفن خيال الحزن وادفن (عذابھه)

اللي يعزگ حط قدرھه على الراس
واللي نساگ انساھه وانسى وصاله

[البدر]

رزقي على اللي اذا اعطى شي ما منه
ولا ايدين العرب تعطي ومنانه
وان شحو الناس ربي يعطي الجنه
ما يغني الا كريم الوجه سبحآنه
وعزة النفس واجب والحيا سنه
وانا ايديني من الثنتين مليانه
واللي تحرى ايدين الناس يعطنه
يعيش عيشة تحري مالها خانه

[يبطون ماوصلوا مواصيل قدري]

وجه العلاقات ..السخيف
مثل الفصول .. الأربعه !

لا مرها ..فصل الخريف ..
تبدا . تطيح .. الأقنعة !

[يبطون ماوصلوا مواصيل قدري]

وحيد،شارد خيال، ومنزوي سارح
أدور اللي يفكّر بي ..... ولا ألقى

إلا سؤالٍ ذبحني ليلة .. البارح
" لا راح منّي أعز الناس من يبقى ؟ "

[يبطون ماوصلوا مواصيل قدري]

قالوا تصبّر والأماني لها جال !
طيّب صبرنا لكن الجال ... وينه !؟

ماكل كلمة داخل الصدر تنقال
بعض الحروف تموت ضيم وغبينه !

[البدر]

مآبي اعترفلك بالغلآ و آنت غآلي ..
خلك كذآ ما بين ضآمن و شكاك

مره تقول ان فيه غيرك فـ بآلي !
و مره تقول ٱن مآبه انسآن يسوآك !

[يبطون ماوصلوا مواصيل قدري]

الّخَطآ لآمِنْ وَصَلّ حُدّ » الّكرَآمَهّ !
تِنْتِهّيً الّعِششرَه وَلآفِيهَآ جدآل

[يبطون ماوصلوا مواصيل قدري]

آلكَبيرٌ , تجيٌ جروَحهِ من آحبآبهٌ
كبآرً
ليييتُ ربي مَ خلقنيٌ بٍ آحاسُيسيَ
كبييييرٌ ,,

[يبطون ماوصلوا مواصيل قدري]

جَمرةٍ فيْ داخِلْ الصَدر الكتوُمْ
. . . . . . أحرقَّتْ ثِمْ أحرقَّتْ ثِمْ أَحرقتْ
حَظيْ العَاثِر و عيَّا لا يقوُمْ
. . . . . . . الفرَح غَايبْ وَ شمَمسه مَاشرقتْ

[يبطون ماوصلوا مواصيل قدري]

ضاقت صدور المخاليق والدنيا سعه،،
وقلت الفزعه من اسباب جحاد الجميل،،

والخساير لاخسرنا عساها فأربعه،

المنافق والردي والهلامه والبخيل!

[يبطون ماوصلوا مواصيل قدري]

اطلب من العز ما يطري على بالك
لكن على عز نفسي لا تساومني !

[غيمة عابره]

لعنبوها ضيقةٍ تبري العظآم
مارحمت ضعف العروق التالفه

غرغرة سم ، وسكاكين وسهام
كنها عن درب غيري حالفه ..!!

[غيمة عابره]

كمل المشوار , يالقلب الجريح
بكرة / الضيقة , تروح وتختفي !

وأن بغيت الصدق والقول الصريح
فالهوى ، نادر ., تلاقي لك وفي !

[غيمة عابره]

لوّ نطاوع حزنناا ...... جدًا نضيع
ولوّ نطيع أحلامنااا و اللهہ : تعب

رتب أحزانك ... و أحلامك جميع
و لمها بـ دعوة لـ ربك مُو صعب !"

[يبطون ماوصلوا مواصيل قدري]

فيـني ألم ما مر في قلب مطعـــون
وفيني حزن ما شـــيف بعيون الايتام

[محمد الجنيني]

جربت في دنياي خلان واحباب
وعرفت من هم يطعنون الحبايب
وجربت من هو يستغل ضحكت الناب
واعلنت با اني من صداقته تاايب

[محمد الجنيني]

لآضاق صدرك عالي الصوت جره

لو كان قلبك ما يطاوعك مسرور

دنياك لو تسوى من الحِزن ذرّه
ما كان تاليها توابيت وقبور

[يبطون ماوصلوا مواصيل قدري]

لآَ يضيِقَ صدَركَ منْ آلدنيِآ /.. وهوُنهآ
مآلكَ ومآلَ آلهموُم و سيِرة أحزآنكَ
أرجعَ على آلضحكة البيِضاء و لونها
ولو كآنْ ماهوُ على شآني ؟ / .. على شآنكَ !

[محمد الجنيني]

اهيـم واسـلا عـن محبتـك وارتـد
وارجع ابي ثنتين ( عطفك , ولينـك )
وان جيـت أعلـل خاطـري بالتوجـد
عجزت ... لا اقاوم غـلاك وحنينـك

[يبطون ماوصلوا مواصيل قدري]

المجتمع خليط من كل الانواع
واطيبهم الليً فالمواجه ايواجه

خلًك مثل فضل السحايب على القاع
تعطي ولا تاخذ من القاع حاجه

[يبطون ماوصلوا مواصيل قدري]

وقت رجم الشقا من عرض من واق فيه
واسبقوني على متنه قروم العيال..
بين نمة حسود وبين هذرة سفيه
اتكالي على المحيي عزيز الجلال

[حرف مبعثر]

دام قلبك وَرد ، و احبابك حجر
اللقا مو صعب .. الا مسّتحيل
لو بكيت من ( الفجر لين الفجر )
ما يرجّع شخص عاجبه الرحيل !

[يبطون ماوصلوا مواصيل قدري]

صمتك عن الزلات طيب وشجاعه
تكبر بعين اللي على الطيب رباك
ㅤ
خلك سوات الضلع عزم ومناعه
لا يــزعلك هرج الردي لو تقفـاك

[يبطون ماوصلوا مواصيل قدري]

ول ياكبر القهر لاصار ما بـ اليد حيله
والجروح من القرايب والخطا مني وفيني !

[يبطون ماوصلوا مواصيل قدري]

يا متابع النـاس لا تتعب على الفاضي
يشيب راسـك وروس الناس ماشابت

عن حاضر الوقت خذ عبرة من الماضي
ســوالف الـناس لاودت ولا جـابت

[يبطون ماوصلوا مواصيل قدري]

أصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترى الدنيا سلوم ومشاريه!

[حرف مبعثر]

طوّل لقى شوفك .. وطوّل سكووتك
وانا من الثنتين .. مشتاق لك مووت
تعال عايّدني .. ب وجهك وصوتك
حتى اني اعيّد من الوجه والصوت
.
.
.
~_~

[يبطون ماوصلوا مواصيل قدري]

‏ما همني تفكـيــر خلق الله
واثق من افعالي و تفكيري

[يبطون ماوصلوا مواصيل قدري]

فينا عوايد ما تكون إلا سلوم ٍ*
ما لها بالدين ساس ولا لها من مدخله

[حرف مبعثر]

انا آدمي .. يكتب شعوره لـ صوره
تبكيّه لو إنّه ما هو شخص بكّاي !
يعيش في وسط التناقض شعوره
يحزن على الرايح ويفرح مع الجاي!

[يبطون ماوصلوا مواصيل قدري]

واليوم في غيبتك ماني بعاحز لا أجيك
....... لكني أخاف إن جيت مالي..قدر

[يبطون ماوصلوا مواصيل قدري]

سريت مـالي بين هالناس مقـعاد
يـوم المكان يضـيـق فيني مـعاهـم
يانفس طيبي عن مقادير الأجواد
أجواد لكــن خيب الله رجاهم

[البدر]

‏لاتنوخ ركابك ... عند من لا يبيك
دكها يا نديبي والسعه ......موسعه
لا تخايل سحابة شخص ما يشتهيك
الجماله من اللي ... يكرهك موجعه

[يبطون ماوصلوا مواصيل قدري]

الرزق لا ساقه عليك الله وجاك*
جتك النعم من فضل ربي وافيه*
وإطلب من المعبود لا منّه عطاك
يعطيك فـوق اللي عطاك العافيه

[يبطون ماوصلوا مواصيل قدري]

من هو تحدانا ليا صار ما صار ،
نقطع : علاقتنا … ونقطع : لسانه !

[سلطان القلادي]

‏​ياما وقفت بوجہ الايام ما طحت
وياما وثقت بناس والناس طاحوا

مشيت بالدنيا وتعلمت وارتحت
اهل المصالح لاخذو شيء راحوا .

[وتين]

سريت مـالي بين هالناس مقـعاد
يـوم المكان يضـيـق فيني مـعاهـم
يانفس طيبي عن مقادير الأجواد
أجواد لكــن خيب الله رجاهم

[المـآيسترو]

‏.

.

أستنسخ اشباهك ولو مالك اشباه
و اتأملك .. في ناس ما يشبهونك ،

[وتين]

ضايق البال مايستانس الحاله
وانت يغبت عني كني الحالي

[حرف مبعثر]

‏ياللي تتابعني من ايام وبصمت
‏انا بعد مثلك على الصمت اتابعك
‏اعرف وش اللي فيك لو ما تكلمت
‏مافي ضميرك تكتبه لي اصابعك
.
.
.
~_~

[يبطون ماوصلوا مواصيل قدري]

كيف يجهل الانسان خلقه يا للعجب ..
اصلنا مـاء بين الترائـب والظهور
كلنا من طـــــيــــن محــــــــعٹ من عڈهب
من تـكبــر طــــــــاح مافاده غــــــــرور

[وتين]

انتظرتك لين جيت وياخساره.....انتظارك كان اجمل من رجوعك

[يبطون ماوصلوا مواصيل قدري]

يكفي انك على الثنتين محسودة
بنت عم السحاب وشاعرك خالد..

[يبطون ماوصلوا مواصيل قدري]

اجمل خطاي واخر حدود دنياي
اصدق معاذيري واطهر ذنوبي

[يبطون ماوصلوا مواصيل قدري]

مابي ورا الحاجة الي جابتك حاجة
مخلوق وان طبت ف المنة ل خلاقي


والا انت منت ب ردي لكن ب تواجه
ناس (ن) رداها يسولف لك عن اخلاقي

[حرف مبعثر]

شهر رمضان اللي به الروح ترتـاح
وفيه الشياطين بسلاسل تسلســل
وقته ثمين وفيـــه للخير مفـــتاح
لا تهدره مابين نـــــوم ومسلســـل

[يبطون ماوصلوا مواصيل قدري]

‏علمّني الليل : كيف احلم على كيفي
‏وعلمني الصبح بأن احلامنا تكذبُ .!
‏

[حرف مبعثر]

يالله لاتجعل بقلبي لاحد غل
وتسامح اللي شال بالقلب غله
واللي بعد مغتابني مني بحل
لو ماطلب منا السموحه بحله

[يبطون ماوصلوا مواصيل قدري]

وين انت عن وحدتي يالمرقب العالي..
لاتترك المجتمع تاكلني عيونه..

[فيحان الخياري]

الليل دونك ينادي للفرح وينك
والصبح فاقد لصوتك وانت ماتدري

[فيحان الخياري]

‏ابسالك ياليل هو باقي احباب
‏والا الوفا ماله ب هالوقت قيمة ..

[يبطون ماوصلوا مواصيل قدري]

مرات احس براحتي في قصيدي
واحيان احس بضيقتي كل ما اقراه...

[فيحان الخياري]

مدري علامي لشفت اسمك على الشاشه
يغيب قلبي عن الدنيا ومافيها

اتابع اسمك وعيني منك منداشه
مالك ولا مشاركه ماني بقاريها

[يبطون ماوصلوا مواصيل قدري]

انا اخر الي قال للدنيا افاا
وانا اكثر الي قال ياربي تزين..

[فيحان الخياري]

‏وقتي دهر وأنتي وسط عيني الغيث
‏والحظ جابك ياعسى الحظ يسلم :)
‏.
‏من كثر حبي لو تصيرين (آحاديث)
‏يصير خفّاقيْ ( البخاري و مسلم )

[يبطون ماوصلوا مواصيل قدري]

مقتنع بالزمان ومستريح الضمير
القدر في يد الله والصبر في يدي

[يبطون ماوصلوا مواصيل قدري]

كل حاجه من بعد فرقاك تبكي
الفجر والناس والارض الرحيبه

[يبطون ماوصلوا مواصيل قدري]

احذر تشق جيوب ناس مساتير
واستر على المعيوب لابان عيبه