الخارم اللي كتب ربي سلامتها.....الشيخ/فهد بن حيي المصيبيح

[بدر المصيبيح]

طرايف من المقناص



الخارم اللي كتب ربي سلامتها**راحت على الحر الاشقر غال الأثماني

سقنا وراها عجزنا لا نثبتها**الله يجيب بنحرها فرخ شيهاني

سؤن على اللي ليا طارت تقفتها**قد خضبت كفها من برق الالواني

ليا تعلت عليها ثم شاحتها**شوحت عديمن تفاجاء له بعدواني

حنا نعرف الصقاره من بدايتها ** مانستمع وش يقول فلان وفلاني

عز الله إنا خذينا من طراوتها ** يوم الدليله يدل بلا مجلاني

ليا جيت قاعن خلاء والناس ماجتها**معك اشقرن صافين جاء من باكستاني

حقق بها الطلع قبل تشوف جرتها**واعنف هجومن عليها شن عدواني

وأن كان طارت منه لا واقرادتها**من شوفت اللي وراها صابها جناني

ما فكها الارتفاع وقو سرعتها ** بالجو خلا غلبها تقل دخاني

والنار وقت المعشاء زان شبتها **قلط بغاديد والا نوع رسلاني

لا دار فنجالها يعجبك شفتها ** الهيل زود بها والبن خولاني

وربعن نشاما علوم الطيب عادتها**مع كبش بدواً يعلق سر وعلاني

كلمات


الشيخ/ فهد حيي المصبيبح الرشيدي

[يبطون ماوصلوا مواصيل قدري]

صح لسانه..ويعطيك العافيه اخوي ع النقل..