منتديات الكفة لقبائل بنى رشيد - قصيده منقوله للشاعر فالح البريكان

قصيدة منقوله للشاعر فالح عبدالله البريكان العجوني الرشيدي

ياحمامه ماتنوحين صوتك ماسمعه = سمعيني يجلي الهم نوحك والهديل
من قطعني منك ياجعل ربي يقطعه = من سرا في ليلة الشوم والحزن الثقيل
ليلة فيها تكلم وطولها معه = ماعرفت اللي حصل بس صار الليل ليل
اغربت بالنور روحي وضاقت من سعه = وقلت احصل رد لكن كذا مامن حصيل
من عرفتة ماخبر يوم بالغير اجمعه = لاتصال ولامقابل وهذا مستحيل
من هو هذا من قدر باتصاله يقنعه= كيف صارت ينهي الوضع مايطلب دليل
ويمكن انه هدد بشي عني وامنعه = المهم الله حسبي وهو نعم الوكيل
دون عرف اللي حصل ماقدرت اودعه = بعد ماعشنا مع الحب هالوقت الطويل
ياعسى يقضي فراغه بشي ينفعه= وياعساه بخير ويعيش مستقبل جميل
مارويته نور عيني وعييت اشبعه = اشهد انه شال كثري وخلاني قليل
القصيد يصير وان جيت اقوله مطلعه = لو بديت البيت الاخر لمحبوبي يميل
بالخيال اشتته ثم عيني تجمعه = ثم اشوفه يتبع الطيف يمي بالجبيل
قمت اصدق في خيالي واسولف واتبعه = واتردد واجلس هناك في شاطي النخيل
ثم اروح ازور بنده وسوق المزرعه = واتذكر يوم صار الخليل مع الخليل
قبل للمقرود يطرف عيونه بصبعه= يوم عفوا كانت ترد للشكر الجزيل
يابعد عمري ترا الروح فيك مولعه = ارحم اللي تحت رحمتك من حبك ذليل
قبل عني لايقولون يلقا مصرعه = وقتها ماينفع العطف في جثة قتيل