---------------
ابغى الاجابه منك ي الدكتوره
على السؤال اللي لعب بفكاره
الشاعر اللي مآيرد شعوره
عن عالمك الا جميل أشعاره
اليا هويتك وانتي السنيوره
وعزفت لك لحن الوفا قيثاره
القى جميلك رد قآيم دوره
والا تذوقني رحيق امراره
السالفه بحر الغرام وسوره
حطك هنا بين الديار دياره
والموج جالك بالهوا وسروره
والمد طاغي بالوفا تياره
دكتورتي فكري يعيش الثوره
ويقربك لرض الخيال اصراره
تبقين من وسم الفكر ممطوره
وتبقين روح الشعر بوح اسراره
جيتك بوضح لك جميل الصوره
واعطيك بين النآس ختم آماره
|