اهداء من الشاعر سعد عوده الى الشيخ سعودبن سعود الماطر

اهداء
من الشاعر الكبير الشاعر:سعد عوده الخياري

الي
الشيخ:سعود بن سعود الماطر الرشيدي


راكب اللي كن زوله يبشر بالغناه
وارد اليبان صنع الخواجه وعمله

اجتهد بصناعتة لين ما زود حلاه
اشهد انه بالفخامه كساه وكمله

لا عرضلك كن في لون بوياه اشتباه
مثل خلطة صافي الدر مع عسل انحله

لو تقول أبيض يقولون صح إلا النباه
واحد" ما حقق الشوف لونه يجهله

وان تقفيته تشوف الفخامه في قفاه
أفشح" لو كان فاضي تقول محمله

وان ركبته للعلامه على اول مبتداه
مثل تصحيح اشتف" يم يسراه اشتله

وان نظرت ايمين للي تبي عينك تراه
يعجبك لون المراتب وقيره ودبله

وكن دقت سلفه الله يحفظه ويحماه
ضحكت اللي في هوا خلها متجمله

جادل" من سكرة الحب تمشي في هواه
بالوصايف والدلع والجمال امكمله

منوت المشتاق لضاق صدره من شقاه
حدته قشر المقادير عن ديرة هله

يانديبي شد حيلك وخذ مني وصاه
انت مرسالي ومادار في بالك قله

قبل تبدى نجمت الصبح مع وقت الصلاه
قوم وض وصل ورجع لجيبك شغله

حركه من دار قومن يضدون العداه
الشويمس ديرة اهل الوفا والمرجله

الرجال اللي لها بالزمن شيمه وجاه
بالسنين الحاضره والسنين الاوله

وجهه مع نيت الشرق زين الاتجاه
وسمح الله دربك اللي نويت تكمله

نحره بيت" علي العز يسلم من بناه
بيت شيخ كل مارد معروف ادبله

بيت من يعشق علو المراجل من وفاه
شيخ قوم" مدهل العز عسه ونزله

المراجل حازها يوم عمره في صباه
طيب" يحرص على الطيب من طيب اهله

عايضي" مدة الجود دايم من يداه
كل ما يطلق حجاجه بعزمه يفعله

يا بن ماطر لوعد الحر ما يبغى وصاه
احسبه دين" عليه ليا قلت ازهله

انت فعلك قبل هذا ما تحصيه الرواه
كل عبسي ينتخيبك لجات امصمله

عون من حده زمانه ومن همه شكاه
في نهار" يمكن يضيع به مستقبله

والسلام اختام والعذر يا شيخ" وفاه
جمل أصحابه ور بعه عسى الله يجمله



الشاعر/سعد عوده الخياري