سجل دخولك للقسم ببيت شعر

‏يا كثر شرهاتك ولو ما معك حق
تخــطي ويدمح جرح زلتك شوقي

لو كـــل زلة منك في حقي بحق
والله إن تبطي ما توفي حقوووقي

جحادة المعروف وصغار العقول
ماكرهوني بالوفاء ولا العطا

أكرر الوقفات وأفعل ما أقول
أنا وطيبي صح والجاحد خطا
.
.

‏لو يسألونك // عن سبب غيبتي عنك
خلك صريح ..برد ..قولك... والكلام

بخاطري // جمله وابي تنتشر منك
قل عشقني عشق.. ماشاف اهتمام

‏ما رخص قدرك إلا من سواياك ،
والا انت كنت بدنيتي شي ثاني

‏تتغيّر .. بعيني .. الدنيا .. وتتحول
والمغريات الكبيرة … ترجع صغيرة !

ما عدت مهتم بـ أحلامي مثل الأول ،
إن جاتني خير وإن ماجاتني خيرة !

‏ماكل هالناس محبوبه وعفويه
ملامح الناس تنقضها نواياها

‏صكيت باب العتب ماعاد له داعي
وعودت نفسي على الفرقا وطاريها

‏أنت لو همّك شعوري و الوصال
ما تخلّي لـ الحزن فيني نصيب

لا تبررّ لي غيابك . . ب إنشغال
حتى أنا مشغول لكن ما أغيب !

‏حطّيت بيني وبين أهل الردى حاجز
إفعولهم ضايعه ما تشبه فعولي

والله ماني على رد الخطا عاجز
لكنّي احشم جنابي وأحترم قولي

‏لـ قلوبنا صوره ولـ شفاهنا صوت
و احساسنا يشكّل اجمل مـلامح

جميل إنّا نقابل الجرح بـ سكوت
والاجمل إنّا رغم هذا . . نسامح