هنا حيثُ لاشي..الا أنا..

ما ادري ليش لما نتعشى عشا دسم شوي
بعد ساعه كذا نشتهي نحلي): طيب والوقت
والعالم قفلت ولافيه احد فاضي يجيبلك شنسوي
عادي اضحكوا على نفسكم بنص ملعقة سكر>بتذبحنا
الي فيه سكر رجاءاً يشطف كلامي ترا مومسؤله عنك>حسيت اني مصريه

تكلمت عن طلبات الصداقه..والان راح اتكلم للمره الثانيه
والله احترمكم..واحنا اخوان لما ما اضيف اي رجل مومعناته اني اكره تواجده
لاوالله بس من دخلت المنتديات وانا ما اقبل صداقة اي رجل لاحد ياخذ بخاطره
احترمكم ..

قبل شوي كانو بالسوق حريم
كشخات ولبس اخر شياكه دخلت بالمحل الي انا فيه
وقالت ممكن تشترين هذا لامي.. قسم بالله عيوني كذا��
لا ياشيخه هذا شي جديد طبعا انا قلت اكيد بتجيب طقم ذهب
وتقول هذا بعد عشان الحفله (:
ماراح اعلمكم وش قالت بعد المهم لما حطت يدها على كتفي
وانا انخرش قلت بس بتسحرني ): ادور خواتي قبل اختفي ههههههه
علينا افكار اهلنا كثير مخوفينا بس من خاف سلم(: المهم اني سلمت
وجيت اكتبلكم الحمدالله لاتخلون احد يلمسكم يمكن بغمضت عين تختفون

مساكم ..سعاده..

(: انا كل يوم متابعه واخيانا اسجل دخولي اليوم كنت بمدونة جارنا حرف مبعثر
اسعدني مرورك ... سالفة السبحه �� بسم الله علينا ): كل شي يخوف حتى يمكن انت مو انت
بدلوك عن طريق السبحه (استمر ع أذكارك) عشان ترجع مثل اول ..

خمسسسه ..نفرات كانو هنا...واغلا من يجي نورتوا المدونه حتى الضيف الي متنح لوتخبطه سبحه
يعرف ان الله حق ويدخل مثل الناس الي هو انا والي كانوا هنا
ويسجل دخوله ويترك ابليس ..حياكم

وانا اسجل دخولي كأني لمحت اسم مصري بوه سيد؟؟؟
حقدت ع الاسم لا جد والله .. ودي اروح اشوف وش مهبب وش الموضوع واشوف انه
مشوااااًر... سبحان الله الناس الي تجي تسوي اعلانات ليش كذا وش يبون بالضبط
معقوله لاقين ناس ينضحك عليهم؟ لاحول الله ذالناس ماتتعب

خالد الزعاق..سناباته جميله لاتفوتكم رحلات ..غير كذا يبشرنا بالمطر..
الدكتور خالد..سوا كذا رحله وحده خطيره موقادره انساها دخل كهف ضيق
مجنون هناك لقى جمجمه�� لو انا تصيبني ضيقه اموت وانا لسه ماطلعت
لا ويقول ما اتوب ويمشي بهالكهف انا قلبي يرقع قلت اكيد اخر سناب له ماراح يرجع
ولما خلص السناب كتبت احسبه مايشوف ولايقرأ هههههه تتوقعون شنو كتبت
كتبت الى دكتورنا المجنون ادري ماراح تقرا بس لاتسوي كذا بعدين انت تتمشى وحنا
ذبحنا الرعب حسينا حنا الي داخلين ذالكهف موانت ..ماتعرف تمزح غلط عليك ههه يوم
فتح السناب الي ارسلت دوروني ماتلقوني �� توووبه

اليوم بعد مارجعت من الدوام صادفت حادث مدري ليش
قلت لاخوي بس نقرب بنشوف السياره والناس ع شنو مجتمعه>ليتني ماقربت
لا اله الا الله اثنين من عمال النظافه متوفين لسه مالحقوا يشيلوهم
وصاحب السياره شالوه بالاسعاف لانه لسه ما توفى.. الله يصبر اهلهم ويرحمهم
( لاحد يسرع ادري لو الواحد يمشي ع مهل احيانا الناس تبليه بس المفروض دائما نقول
اللهم استودعتك نفسي ): ونتوكل على الله

دوام دوام دوام > اصلا عادي
تصبحون على ابتسامه.