قصيدة الشاعر سعد غاطي الرشيدي

السلام عليكم ورحمة الله وبركاته
اقدم لكم قصيدة للشاعر سعد بن غاطي بن عمير القلادي



حنين الزوايا والدرايش وبيت الطين
تلفت وردد حدبة العود للجنه
فضاه الصباح اللي تقفا ظلام سنين
بعد مااستحت من ثلجنا جمرة الكنه
نعزم النعيم وكيفنا قهوة السالين
وعلى فرشنا عطر الموحد شذا بنه
ورد هيت وأوما لأجل وحده من الثنتين
وبعدغرسة الشلفا هقاويه قادنه
وطلعنا من لحود الجهل والزمان الشين
نماري على سطح الثريا بلا منه
دفنا مشاريه التناحر وثار الدين
ومشينا ونجر العزكف الولاء دنه
عطينا فجوج الخير عن سكة الغاوين
وكتبنا على اول دربنا الشرع والسنه
سريناعزاز نفوس ندر طوال يدين
ورى القايد اللي قال هالفجر ماعنه
وعدنا الشموخ وحطنا في صبي العين
وعطيناه بيعة عمر وعداه مستنه
شهق بالفرح صدر الوطن والطلوع طحين
وتعلا عبيه والعفيفات ينخنه
وتجمل ودنا حجابها واحد وخمسين
وتركز علمها والهبايب يهفنه
وتعذر لنا بالموت في ثالث السبعين
ياليت المنايا اقفن بغيره وخلنه
وطلع له شبيه ولاتقولون كيف ووين
نعرفه وشيخات القصايد يعرفنه