الدين السميح للشاعر : حجاج المهيمزي

مانـي بمامـورٍ علـى الهـرج القبيـح
ولانــي بمجـبـورٍ عـلــى خـــوة ردي
ماضاقـت الدنـيـا وكــون الله فسـيـح
وانـا علـى الهـزلات مانـي بمـحـدي
ارقى سمـا واعـاون الوجـه الفليـح
واسايـر الخطـوات صوبـه واعــدي
والا الردي لو كنت بفراشـي طريـح
محتـاج لـه فزعـه ولـو قــل جـهـدي
حتى الحـرام محـرم الديـن السميـح
اشــوم نفـسـي عـنـه واكــرم يـــدي
وآقـف علـى ساقـي ولايمكـن اطيـح
وكـايـل الهـقـوات وآصــل مقـصـدي
هذا الصحيح ولايصـح الا الصحيـح
يـوم الصحـيـح يـقـال قبـلـي وبـعـدي
واللي يدور عون من يمنى الشحيح
والله ليبطي مامشى المشـي المـدي
كــم عـزيـزٍ عــاش بالـدنـيـا جـريــح
وكم من حقيرٍ ضيع احـوال اجـودي
واليوم محـدٍ يسمـع لنصـح النصيـح
ولحـدٍ يمجـد صـاحـب الـكـف الـنـدي
لاكـن مدامنـا عـلى الـديـن السمـيـح
نعمـه مـن اللـي منـزلٍ نـور الـهـدي

الـشـاعر/حـجاج المهيمزي